فلما قضينا عليه بالموت ما دلهم علي موته اﻻ دابة اﻻرض تآكل منساته فلما خرتبينت الجن ان لو كانوا يعلمون الغيب ما لبثوا في العذاب المهين …صدق الله العظيم …(سورة سبأ آية 14)
شوفوا ربنا بيقول ايه ؟ حتى الجن ما بيعلم الغيب ما بالك بنحن البشر ؟
لذلك فانا اللي باكتبه هي رؤية تحليليه مبنيه علي بيانات اخر جلسة تدوال واستناج ما قد يحدث في اليوم التالي من خلال تلك البيانات المتاحه لي وليس اكثر من ذلك
خلينا نحفظ الكلام ده كويس اوي ﻻنه ممكن مااعرفش اقوله مرة تاني
المؤشرالرئيس EGX30
اﻻرقام دي هامه جدا اول رقم 6270 نقطة والثاني هو 6320 نقطة المنطقة دي ال (6270 / 6320 ) هي مستهدف المؤشرالرئيس EGX30 اللي هو مستهدف السوق بشكل عام في الوقت الحالي ومنها تبدء عملية تصحيح اسعار يعني اقوي واعنف واطول من جني اﻻرباح ده الكلام المؤكد عندي مفيش ارقام تاني ولكن في حالة كسرها واﻻغلاق اعلاها يعني كسر مقاومة ال6320 نقطة وليس ال6270 نقطة ﻻن ال6320 هي اﻻعلي في اﻻتجاه الصاعد في حالة كسرها واﻻغلاق اعلاها يعني مثلا اﻻغلاق عند 6350 نقطة واﻻستقرار واكرر كلمة اﻻستقرار يعني البقاء اعلاها ال6320 نقطة اكثر من جلسة مثلا جلستين او ثلاثة في هذة الحالة اؤكد لكم ان المستهدف سيتحول من ال (6270 / 6320 ) الي الرقم (7150) نقطة ينتقل المستهدف الي 7150 نقطة ….طيب ايه اللي خليني اكتب واتكلم عن رقم مستهدف جديد بعد منطقة ال 6270 / 6320 نقطة السبب ان مشتريات اوراسكوم للاتصالات النهاردة قد تفتح الطريق امام المؤشرالرئيس EGX30 الي المستهدف اﻻعلي ال هو 7150 نقطة طيب عندنا ارقام نراقبها علي الشاشات ومنها نستنج اﻻتجاه الي اين واهم اﻻرقام هي :-
مستهدف سهم البنك التجاري الدولي 35.00جم لو كسرها واغلاق اعلاها يبقي هيروح ل 41.00جم وال35.00جم عند مؤشر 6300 نقطة وال41.00جم عند مؤشر 7150 نقطة وكذلك سهم اوراسكوم للاتصالات لو اغلق اعلى ال60 قرش يعني مثلا 61 يبقي ممكن يروح ال65 / 67 قرش ووقتها ممكن نشوف مصرالجديدة في مناطق ال50جم ومدينة نصر قرب ال20جم وهكذا لكن كل الكلام ده هيكون امتى ؟ لما سهم البنك التجاري الدولي يكسر ال35.00جم ويستقر اعلاها والمؤشرالرئيس يكسر ال6320 نقطة ويستقر اعلاها وقتها كل اﻻسهم هتستهدف ارقام جديدة ….اية الحيرة دي باه؟ مفيش حيره وﻻ حاجه
عينك علي سهم البنك التجاري الدولي واﻻرقام اللي كاتبها لك وكذلك المؤشرالرئيس EGX30 وياسيدي خليك برا السوق لغاية ماتشوف المؤشرالرئيس EGX30 هيقدر يكسر ال6320 نقطة ويستقر اعلاها وسهم التجاري الدولي هيستقر فوق ال35.00جم واﻻ مش هيقدروا يكسروا المقاومات والمستهدفات دي وبعدها ابقي حضرتك تقرر تدخل السوق واﻻ تنتظر خارج السوق
الحقيقه انا كنت مقررة ان ال6270 / 6320 نقطة دي المنطقة النهائية اللي هيصحح منها المؤشرالرئيس EGX30 ولكن مشتريات اوراسكوم للاتصالات اليوم ومؤشرات الكثير من اﻻسهم ان شاءالله هتكون رائعه في اﻻداء والصعود غدا ….يبقي كل اﻻحتمالات ممكنه ووارده والشاطر يتفرج ما يندفعش ويتهور وياخد قرارات من اى نوع غير مدروسه جيد معظم اﻻسهم مؤشراتها جيده وجيده جدا ومش هاكتب اسماء اسهم ﻻنهم كتير اوي
ماتم ذكره هي وجهة نظري قد تصيب او تخطئ وليس توصية بالشراء او البيع او اﻻحتفاظ ﻻى احد
